Imphal: Ka Manipur High Court, ka la weng noh ia ka paragraph, kaba ka la buh, ha ka rai jongka, ha ka 27tarik Lber 2023, kaba bthah ia ka sorkar jylla, ba kan ai jingmynjur, na ka bynta ban ithuh ia ki jaitbynriew Meitei, kum ki Scheduled Tribe. Ka dei katei ruh ka hukum, kaba la pynmih ia ka jing ia umsnam, kaba shyrkhei sat ha Manipur, namar ba ki jaitbynriew Kuki, ki pyrshah jur, ia katei ka rai jong ka kashari.
Ka jingbishar, da u nongbishar, u Golmei Gaiphulshillu, ka kren shai, ba katei ka rai, ka dei, ka jingleh bakla, ia ki kyndon ain, namar ba ki nongmudui, kim shym la iatreilang bad ka kashari, ha ka por jong ka jingshong bishar ia kane ka mukotduma. U Justice Gaiphulshillu, u iathuh ba katei ka hukum, ka long pyrshah ia ka rai jong ka Supreme Court, halor ka mukotduma jong ka State of Maharashtra vs Milind & Ors, ha kaba ka kashari, ka kren shai, ba ki kashari, kim lah ban tuklar ia ka thup jong ki Scheduled Tribe.
Ha U Risaw jong u snem ba ladep, ka High Court, ka la ailad ia ki seng trai jylla, ba kin ujor, halor ka rai jong ka, kaba long ha ka 27tarik Lber 2023 bad ka dei halor kane ka mat, ba ka sa ujor biang, ka All Manipur Tribal Union.
Kane baroh dei ka jing mushlia jong ka sorkar BJP hapoh Manipur ban iuhroit iaki Rit paid..Ai nguh ia u blei ba kane ks khubor kan pynsngewthuh ia ngi ki khasi ba ka Kashari kam don hok ban tuklar iaka kam SCHEDULE TRIBE..Kumba ngi tip ba iaka Article 370/371 ruh ka parliament kam lah ban tuklar bad ka dei ban long kumjuh ruh iaka 6th schedule (rural areas).