Ka kompeni mobile na China, ka OnePlus, ka hap ban weng noh ia kawei ka camera, na katei ka mobile bad ka daw, ka long namar ba ka Ri United Kingdom, ka la khang ban pyniaid iew ia katei ka mobile, namar ba ka la ban shondur ia ki tiar kiba don shapoh ki jain phong ruh.
La iathuh ba katei ka mobile, kaba la pynmih paidbah ha u bnai Jymmang mynta u snem, ka don ia ka “Photochrom” kaba lah ban iohi lyngba ki plastik lane ki jain phong ruh.
La pyni nuksa da kaba buh ia ki dur ha ka twitter, ba katei ka camera, ka lah ban shondur ia ki bynta ba shapoh jong u remote controll jong ka telebishon lane ia ki tiar, kiba la buhrieh hapoh ki jain ruh.
Lyngba katei ka jing ujor jong kiba bun, ki bor pyniaid jong ka One Plus, ki la weng noh ia katei ka camera, ong ka khubor jong ka The Sun, kaba la pynmih na London.
Ka OnePlus 8 Pro, ka don saw tylli ki camera bad kawei na kitei, ka dei ka photochrom lens bad ia katei la pynduh noh, namar ba kan nym lah ban shon ia ki dur ki dar, kiba pynlehrain ia kiwei.
Phi don ban ong eiei?