Washington: Ka Shiloh Jolie, kaba dei ka khun kynthei kaba 18 snem jong ka Angelina Jolie bad U Brad Pitt, ka la weng noh ia ka jait jong u kpa jongka bad ka la rai ban shim noh, ia ka jait jong ka kmie jongka, da kaba yn tip noh nangne shakhmat da ka jait Jolie.
Ka kashari, ka la shah ia ka Shiloh, ba kan shim ia ka jait jong ka kmie jongka, hadien ar bnai, ba ka la pan bor na ka kashari, kaba dei ha ka 27tarik Jymmang 2024.
Ka Shiloh, ka dei kaba la tip, da ka kyrteng Shiloh Nouvel Jolie-Pitt, ka la ioh ia ka jingbit na ka kashari, ban pynkylla ia ka jait jongka.
Kam dei tang ka Shiloh, kaba dei ka khun jong U Brad Pitt, kaba la weng noh ia ka jait jong u kpa jongka, hynrei ka para jongka ruh, ka Vivienne, ka la shim noh ia ka jait jong ka kmie jongka, namar ba ka Angelina bad U Brad Pitt, ki la ia phet noh naduh u snem 2016 bad nangta ka Zahara ruh, ka la ai ialade da ka jait Jolie, ha baroh ki jingthoh jingtar jongka.
Na katei ka iing; ka Angelina Jolie ruh, ka pynneh beit da ka jait lajong, namar ba ka Angelina, kam shym la shim satia ia ka jait u kpa jongka, kaba dei ka jait Voight, hynrei ka la pynneh beit da ka kyrteng jongka hi, ha kaba ka ai Angelina Jolie.
Phi don ban ong eiei?