Shillong: Ka FKJGP ka kyntu ia baroh ki seng sain pyrthei riewlum jong ka jylla Meghalaya kum ka UDP, PDF, HSPDP bad kiwei kiwei ki seng ba kin weng ka jing kyrshan na ka Sorkar Meghalaya Democratic Alliance (MDA) ba ialam da ka National People’s Party.
Kane ka sorkar synrop, MDA ka la thok ka la shukor ia u paidbah ka jylla.
U CM badonburom u ong ba u pyrshah ia ka CAB bad u la buh hi ruh ia ka rai mar iadep ka jing ialang ha ka 30 tarik Naiwieng ha Delhi ban pyrshah iaka kane ka CAB.
Ka FKJGP, ka ong shuh shuh ba u myntri rangbah ba mynta, U Conrad Sangma bad U Ex Chief Minister Dr Mukul Sangma baroh ar ngut ki lah thok lah sukor ia ka jylla jong ngi. Kine ki dei kita kum ba ong da ka ktien phareng “Two sides of the same coin”.
U Conrad u ong nga pyrshah iaka CAB bad u phah ia ka para ba long ka MP jong ka Tura Agatha Sangma ban kyrshan ia ka bill ha Parliament.
“U Conrad u dei ban kren shai balei ka MDA bad ka party NPP ha Meghalaya ha kren da kumwei bad ha Delhi pat ka leh da kumwei. Ka FKJGP da lei lei ruh ka nym pdiang ia kane ka ain iakjakor” ong U Bah Eldie Newton Lyngdoh, Vice President ka FKJGP.
Phi don ban ong eiei?