Weng lut ka sorkar Jylla,ia ki kam u ophisar IAS, uba don bad U Lat

Shillong: Ka sorkar Meghalaya, ka la weng lut ia baroh ki kam jong U Pravin Bakshi, IAS, uba dei ruh U Secretary jong U Lat ka Jylla.

Lyngba ka hukum, kaba mih ha ka Sngi Palei, la weng lut ia ki kam ba u bat U Bakshi bad kitei ki kynthup kum U Secretary jong ka Health and Family Welfare, Arts and Culture, Information Technology and Communication, Food Civil Supplies and Consumer Affairs, Mission Director National Health Mission, Chief Executive Officer, MHIS, Director Food Civil Supply bad Consumer Affairs and Commissioner of Excise. Mynta U Bakshi, un iai bteng ban long U Secretary jong U Lat ka Jylla, U Tathagata Roy.

La shim ba lehse, katei ka jingweng lut ia ki kam jong U Bakshi, ka dei hadien ba U Lat ka Jylla, um shym la kohnguh satia ban pyntrei kam ia ka synshar Administrator ha Khasi District Council, kumba la ai jingmut da ka sorkar Jylla.