U Phadar Abraham Ponvelil, uba dei U Lyngdoh niam shait kynthei, ula shah sospon noh ha ki bor pyniaid jong Missionaries of St Francis De Sales. Utei U Lyngdoh niam, ula shah kem, namar ba u leit tare ia ka met jong kawei ka kynthei briew, katba ki dang ia shong ha kajuh ka bos ha ka por mynmiet.
U Rev Andrew Marak, uba dei U Bishop ka Tura, ula pynmih ia ka khubor mynta ka sngi, ha kaba la pynthikna ia katei ka jingweng kam shipor ia utei U Lyngdoh niam.
La iathuh ruh lyngba katei ka jing pynmih khubor, ba utei U Lyngdoh niam, um dei satia U Fr Biju Joseph, hynrei ka kyrteng ba shisha jongu, ka dei U Abraham Ponvelil.
Lah ban pynkynmaw, ba utei U Phadar, ula tare ia ka met jong katei ka kynthei, kaba shong marjan bad u, ha katei ka bos ha ka por shiteng miet, hynrei haba katei ka kynthei briew, ka la halla, ki nongshong bos, ki la bat noh ia u bad aiti sha ki pulit ha Bajengdoba bad ka dei ha katei ka por, ba ula thok ialade, da kawei pat ka kyrteng jong U Biju Joseph bad um shym la iathuh satia ia ka kyrteng ba shisha jongu.
Mynta utei U Phadar, u don ha phatok bad ka jingtohkit ka dang iaid ia katei ka kam kynshlein kynthei jongu.
Phi don ban ong eiei?