Weng kam ka JHADC ia u Nonghikai

Shillong, 1 Nailur:
Ka Jaintia Youth Federation, Women wings ka la pan da ka RTI na ka tnad pule puthi ka JHADC halor ka jingshah weng kam u nonghikai ka skul Moopyllait Syiar, Khlieh tyrchi u Bah Markatjuh Dkhar. Utei u nonghikai u la ioh pdiang Ia ka shithi na ka JHADC kaba la pyntip sha u ba la weng noh ia u na ka kam. Ka jingshah weng kam ka la pynsah ha ka lyngngoh ia utei u nonghikai bad kumjuh ruh ia ka seng ha kaba la pynlong ia ki ban pan da ka RTI na ka JHADC ban tip halor kano ka daw la weng kam ia utei u nonghikai bad ban lap ia ki jingshisha baroh..
Ka Acting President ka JYF Women Wing’s ka kong Aidalin Dkhar ka la kynnoh ba ka jingshah weng kam u Bah Markatjuh ka dei tang na ka daw jong ka sain pyrthei , hynrei ka la iathuh pat ba ki jingshisha baroh kin paw hadien ba la ioh jingtip lyngba ka RTI.