Weng ka RBYF, ia ka pakhang surok ba ar miet

Shillong,18 Naitung:
Ka Ri-Bhoi Youth Federation (RBYF) mynta ka sngi ka la shim ia ka rai ban weng noh ia ka jingiakhih kaba ka la pynbna ban pynlong ia ka pakhang surok miet kaba ar miet hadien ba ka sorkar jyla ka kular ban pynrung kam biang ia k ar ngurt ki nongtrei ka MUDA, Byrnihat kiba la shah kyndang jubor ha ka tnad kam pynroi sor ha kine ki khyndiat bnai ba la dep. Ka seng ka la shim ia katei ka rai hadien ka jingiakynduh ki nongialam ka seng ia u nongaibuit ai bor jong ka sorkar jylla u Dr.D.D Lapang ha kamra treikam jong u ha Secretariat ha ryngkart ka jingiadonlang ka Myntri ka kam pynroi sor ka kong Ampareen Lyngdoh, u MLA ka Umsning u Celestine Lyngdoh, Ri-Bhoi DC Akash Deep bad ki ophisar heh ka MUDA.
Haba ia kren sha ki nongthohkhubor halor ka jingweng noh ka RBYF ia ka pakhang surok kaba ka la dep pynbna u General Secretary ka seng RBYF u LK Sawkmie u la ong ba ka seng ka la weng noh hadien ba ka sorkar ka la kular ban pynrung kam biang ia ar ngut ki nongtrei kiba la shah beh kata ka Hundalin Lawai bad Subita Lapang.
Kitei ki ar ngut ki nongtrei ki la shah beh kam ha u kyllalyngkot ha kaba ka kong Ampareen ka la kynthoh ba ka jingweng kam noh ia kitei ar ngut ka dei namar ka jingduna pisa palat katei ka tnad.
Shuh shuh u Bah Sawkmie u la iathuh ba ka MUDA lyngba ka sorkar ka la kular ruh ban weng noh ia ki jingujor ba katei ka tnad ka ujor pyrshah ia ka RBYF bad ba ki dkhot ba la shah kem dei ban pyllait noh khlem da teh kyndon.