Shillong, 14 Nohprah:
Ka Nationalist Congress Party (NCP) ka la weng noh mynta ka sngi ia u bah Sanbor Shullai na ka kam President bad ka la thung ia u Vijay Raj kum u Working President. Katkum ka shithi jong u S.R Kohli Permanent Secretary & Member Working Committee jong ka NCP u la thoh sha u Vijay Raj ba la pynshongthait noh ia u bah Sanbor Shullai na ka kam President jong ka NCP Meghalaya namarba u bunkam palat ha konstitwensi lajong bad ba un nym lah ban pynlut por na bynta ka Party ha ka elekshon MLA 2018. Ha katei ka shithi u la ong ba la mynjur ia kane da u National General Secretary ka NCP uba peit iakane ka thaiñ shatei Lam mihngi u Praful Patel. Ia katei ka shithi u la ai kopi ruh sha u bah Sanbor ba un tip.