Weng ka Lok Sabbha, ia ka hukum, ba pynduh MP ia u Rahul Gandhi

Ka Lok Sabbha Secreteriat, mynta ka sngi, ka la rai ban pynneh biang ia ka jinglong MP jong U Rahul Gandhi. Katei ka rai, ka mih, hadien khyndiat sngi, ba ka Supreme Court, ka la pynsangeh ia ka jingrai shong phatok jong ka kashari na Surat, kaba rai ba un hap shong phatok, na ka bynta ar snem kynthih bad katei ka dei halor ka jingshah mudui jong u Rahul Gandhi, ba u kren pynjah burom ia ki jait Modi.

Ka hukum jong ka Lok Sabha Secreteriat, ka mih mynta ka sngi, ha kaba la weng noh, ia ka jing pynduh ia U Rahul Gandhi, kum u dkhot sha Lok Sabbha. Katei ka khubor, ka la ai jingkmen bad ka la don ka jing ialeh kmen ha ophis jong katei ka seng ha Delhi.