Weng ka JYF na ki 7 seng

Jowai, 8 Rymphang:
Ka Jaintia Youth Federation – East Jaintia Hills (JYF-EJH) ka la pyntip paidbah ba ka la sangeh noh shipor ban ia don bynta lang ha ka thup jingiakhih jong ki 7 Seng halor ka jingjia shah siat iap ki ar ngut ki mynsiem briew ha Mookhep.
Ka JYF-EJH kaba la ju iadon bynta lang baroh shikatta bad ki 7 seng ban dawa naka sorkar ban pynmih noh ia ka kaiphod shah siat iap jong ki ar ngut ki mynsiem briew na East jaintia hills ha ka por ba ki dang ia khih pyrshah ia ka hukum khangtih dewiong bad shalan dewiong ka NGT kumba ju leh baroh shikatta da ki trai shnong jong kane ka District.
Na ka liang u samla Niwasly Rymbai President ka JYF-EJH u ong naka daw bym lah shuh ban kiar ba dei na ka kam shakri jaitbynriew hi ym banse shuh khlem da kynriah shwa shipor lane sangeh shwa ban ia don bynta lang bad ki 6 Seng kiba dang iaid shakhmat ban iai iakhih halor kane ka mat jingdawa pynpaw utei u nongialam jong ka JYF-EJH.
Ka JYF-EJH kaba dei kawei na ki kynhun ba ia synrop lang halor ka ne ka jingiakhih ka pynbna ba kan nym ia shim bynta shuh nangne shakhmat bad ki jingiakhih jong ki 7 Seng naka daw baka Seng ka dang don shibun ki mat ban ialeh naka bynta ka jaitbynriew, kumta naka liang ka Seng ka kyrkhu kyrdoh ia kine ki 7 Seng kiba dang don hapdeng ka jingiakhih ba kin nanglah ban iaid shakhmat pynkut u kyrwoh na u samla Niwasly Rymbai President ka JYF-EJH.