Weng jingujor, ia ka Bank Nongkyndong Mawlai

Shillong, 13 Jylliew:
Ka kong Sylvia Nengnong, kaba dei ka nongthep pisa ha Bank Nongkyndong, Mawlai, ka la pynshai mynta ka sngi, ba ka la weng noh ia ka jingujor ba ka la buh ha ki pulit jong ka Mawlai, kaba long pyrshah ia katei ka Bank Nongkyndong lane kumjuh ia u Branch Manager jong ka Bank,U bah Mike L Chyne.
Ka kong Sylvia, ka pynshai mynta ka sngi, ba kham mynshwa, ka don ka jing bym shai jonga, halor ka jingsei pisa jongka, kaba T.24hajar bad kaba la shim, ba ka dei namar ka jingbakla jong ka Core Banking, hynrei kaba la dep pynbeit noh ha ka 4tarik Jylliew 2013.
La ong ka kong Sylvia, ba mynta kam don shuh kano kano ka jing pyrshah ia ka Bank lane ia U Branch Manager. Lah ban pynkynmaw, ba ka kong Sylvia, ka la ujor sha ki pulit jong ka Mawlai, halor ka jingjah klep jong ka pisa jongka, kaba T.60hajar na katei ka Bank, ha kaba la pynmih ruh ha U Rupang, ha ka 5tarik Jylliew, halor katei ka khubor.