Shillong: Ki kotkhubor mynta ka sngi ki thoh shaphang ka jingweng jing kyrshan noh jong ki 6ngut ki MDC, ka Khasi District Council, ia ka Executive Committee ba ialam da U bah Teinwel Dkhar.
Kitei ki kynthup ia lai ngut ki Executive Member bad kitei ki long U Bah Mitchell Wankhar bad U bah Victor Ranee, na ka seng NPP bad nangta sa ka kong Macdalyne Mawlong, na ka seng PDF, katba sa kiwei pat kiba weng ia ka jing kyrshan ki long U Bah Gigur Myrthong, na ka seng NPP bad U bah Lambor Malngiang bad U bah Latiplang Kharkongngor baroh arngut ki MDC shimet.
Lyngba ka jingweng jong kitei ki 6ngut, ka jingdon ki dkhot ha ka EC jong U bah Teinwell Dkhar lane ka Peoples Democratic Alliance (PDA), ka la hiar sha ka 13ngut.
Ki kotkhubor kim shym la thoh satia ia ka daw, halor ka jingweng noh jong kitei ki 6ngut ki MDC, tangba la sngewthuh kumba ki don bun kiba bynniaw, ia ka jing ai bhah jong U bah Teinwell Dkhar, CEM kaba tang T.50lak sha uwei U MDC na ka bhah, kaba ki ioh na ka sorkar India.
Nga iohi ba ki mdc ki pyrkhat ia ka pisa ym ia ka counsil.imat ki la thied ia ka vote . Ka phalang ba ka jaidbynriew kam kham kor ban ia ka spah. Ki ialap elekshon pat ba ka jaidbynriew ka wan ha khmat ban ia ka spah. Imat kim ioh tulop.
Namar ym pat ju jia koit pat ba Ka EC ha KHADC ban leh shiliang khmat kum mynta…ka bha ba weng
Kumne hi kine ki politic( khasi) jong ngi khasi da lam khmat u dkhar/ne u wei pat u jait bynriew ym don ba nud ang wad da u leh bor katno ktno ruh….