Weng iakhih ka JMBEA

Jowai, 12 Nailar:
Ki nongtrei jong ka Jaintia Municipal Board, ha ka jingialang ka ba ki long mynta ka sngi ki la rai ban wengnoh ia ka jing iakhih ka jongki, hadien ba ka sorkar jylla ka la kular ban siew iaka tulop ka jong ki kaba la 5 bnai kumjuh ruh na ka bynta jong u nailar. Ia kane ka rai ki lashim haden ba u  Deputy Commissioner West Jaiñtia Hills District, u Arun Kumar Kembhavi, IAS ha ryngkat u Additional Deputy Commissioner, u ma SC Laloo, ki la wan ban iakynduh markhmat iaki nongtrei ka Jowai  Municipal Board JMB  bad iathuh ia ki ia ka rai jong ka sorkar kaba kala kular ia ki ban pynioh iaka hok jong ki ha shuwa ka 10 tarik u Nailur. Na ka liang u DC u la kular ruh ban pynsngew  shaka sorkar halor ki wei pat ki jingeh ki jong ki kiba kynthup ia ka Arrear bad ia ka pension jong ki ruh.
U ma Da-o-wan Nartiang,General Secretary ka JMBEA, u la iathuh ba haden kane ka jingwan u DC ryngkat ki jingkularka sorkar na ka liang ka Jowai Municipal Board Employee’s Association (JMBEA) ka la wengnoh ia ka jingiakhih ka jong ki bad ki la sdang ban trei kam kum ba ki jutrei,ia ki ñiut ki jakhlia na Iewmusiang ruh ki la pynkhuid noh mynta ka janmiet.