Weng hapoh 7sngi, ka jingkieng thew kali ha 13 Mer: JHTOA

Shillong, 26 Nailar:
Ka Jaintia Hills Truck Owners Association (JHTOA) ka la ai por 7 sngi ia ka sorkar Megha-laya ba ka dei ban weng noh ia Weight Bridge kaba don ha 13 Mer bad ka la byrngem ba lada jia ba kam leh kan ujor sha ka sorkar Assam.
Ka kyrwoh khubor na u President katei ka Association u bah Nida-mon Chullet bad u Secretary u Enrico D Passi ki la ong ba ka jingthaw ka sorkar ia ka jingkieng thaw kali thymmai kaba don ha jaka jong ka Mrs.Bawri kaba don ha 13 mer ka buh jingma bha, naba ha pyrshah jong ka –ka don ka Assam L.P School bad ka long kaba ma ia ki khynnah kiba pule ha katei ka skul naba katei ka dei ka jaka kaba khapngiah kali bha.
Ki la ong ruh ba ki nongtrei katei ka jingkieng thew kali, kaba don ha khappud ki lum pisa palat T.2000 tyngka na kawei ka trok bad ka la ong ruh ba ka jingdon jong katei ka jaka thew ka long kaba leh shiliang, naba ia ki trok kiba leit sha ki karkhana sha Byrnihat ym don ba thew satia namar ba kim hap ban iaid lynti lyngba katei ka jingkieng.
Ka Association ka la ong ruh ba ki pulit Assam ki bat ia ki trok na kane ka jylla bad ki dain kuna kaba heh naba ki pynieng trok harud surok shuwa ban poi sha katei ka jaka thew bad kam don ruh ka lynti iaid sha katei ka jaka thew kali. Ki la dawa ba ka sorkar ka dei ban sangeh noh ka leh shiliang kata ban thew tang ia ki trok Assam katba ki trok ki karkhana Byrnihat pat la pyllait.