Shillong,
13 Jymmang:
Ka Federation of Khasi, Jaintia and Garo People (FKJGP) ka la dawa na ka sorkar jylla ba ka dei ba thung bad pynskhem noh mardor ia u bah kardius Syiem lieh, u samla uba la trei kum u peon ha DC ophis ha Nongstoin hynrei uba la shah weng kam noh pat ha kine ki khyndiat bnai ba la dep.
U bah Kardius Syiemlieh u dei u khun jong u rangbah Denis Nongsiej ( Bam kwai ha dwar u blei) uba la shah siat iap ha ki pulit Assam ha Langpih ha ka 14 tarik u jymmang 2010. La thung kam ia u kum ka dak ka jingiarap ba un kyrshan ia ka ing ka sem namar ka jingbym don shuh u kpa, hynrei hadien ba u la trei kumba lai snem tam, la weng kam noh ha kaba la ioh jingtip ba la weng kam ia u da kaba ai d w ba katei ka ophis ka hap ban pynskhem noh ia ka kam ki nongtrei ba trei shipor jong ka.
Ka FKJGP ka la pynpaw ba ha ka longing jong u bah Kardius dei tang ma u uba kyrshan ia ka ing ka sem baroh kawei lyngba ka jingioh trei ha DC ophis, hadien ba u kpa um don shuh, ka seng ka la ong ba lada ka sorkar ka mon ka lynti ka don beit. Ka Seng ka la wer ia baroh ki Sengbhalang, ki seng sain pyrthei ban pynbor ia ka sorkar ban thungkam ia u Kardius.
Ha ka juh ka por, ka FKJGP ka la dawa ruh ba ka sorkar ka dei ban pynkloi noh haka ba iadei bad u pud u sam bad ka Assam bad ban pynkhlain ruh ia ki bor pahara ha Langpih khnang ba ki para doh para snam kin ioh ka jingiada kaba pura bad ban wanrah ruh ia ki kam pynroi ban lait na ka jing ban lait na ka jing kyntur pud ka Assam.
Phi don ban ong eiei?