Wat thung Chief Secretary ia U Rao, ong ka MPLU

Shillong: Ka Meghalaya People’s Labour Union (MPLU), ka dawa ia U Conrad Sangma, myntri rangbah ka Jylla, ba un weng noh ia ka jingthung Chief Secretary ia U MS Rao.

Ka shithi ba la soi da 15 ngut ki dkhot jong ka seng, ba kynthup ia U President bad U Secretary jongka, ki dawa ia u myntri rangbah ban thung da U Bah Hector Marwein, uba dei uwei na ki ophisar rangbah IAS, kum U Chief Secretary jong ka sorkar Jylla.

Ka sorkar Meghalaya, ka la thung ia U MS Rao, kum U Chief Secretary ba thymmai jong ka sorkar Jylla. U Rao, u dei U IAS officer jong ka batch 1987 jong ka Assam Meghalaya bad utei u shim noh ia ka jaka jong U bah Marwein, uba na ka cadre 1985 bad uba dei mynta U Additional chief secretary.

Ka MPLU, ka byrthen ban iakhih paidbah, lada kim weng noh ia U Rao, ha kaba ki ong ba u dei uba pyrshah ia ki trai jylla bad katei ka long ba ia ka ain kaba dei bad ka Village Administration Bill (VAB), la phah sha ka sorkar India, ha ka jaka ban mynjur beit da U Lat ka Jylla bad katei ka dei ha ka por jong ka jinglong Lat jong U V Shanmuganathan ha u snem 2015.

R