Shillong,23 Nailur:
Ka All Meghalaya Contractor & Supllier Association ( AMC&SA) ka la ai khublei ia baroh ki kontraktor ka jylla kumjuh ruh iaki company bapher bapher jong kane ka jylla haka jing ia snoh kti lang ka jong ki ban ym thied ia ki tender bala khot daka tnat PWD ( Building), ha kaba iadei bad ka kam ba la bei da ka Asian Development Bank na ka bynta ban pynbha iaki Skul kiba don hapoh kane ka jylla Meghalaya.
Ka kyrwoh na u General Secretary ka Association u Bah BL Nongbri ka l aong ba kane k ajingbym ia shim bynta ki kontraktor ban thied ia ka tender ba la khot da ka tnad PWD ka ka ai mynsiem shi katdei eh iaka Associaiton ba kan nang iaid shakhmat bad tyllun shaphrang ha ki kam babha jong ka,ban ialeh naka bynta ban pynroi ban kyntiew bad ban pynmyntoi ia ki kontraktor ka jylla. Na ka liang u General Secretary u kyrpad jur ia baroh ki contractor bad ki company ba kin nang iai bteng bad snoh ktilang haka jing kyrshan ka jong ki ia ka Association khnang ba ka jing ialeh ka jong ka kan long kaba jop.
Ka seng ki kontraktor ka la kyrpad ia kiwei pat ki heh spah ba kin ym tuklar ia ka kam ki kontraktor ha ka jylla khnang ba ki kontraktor kin kiew shaphrang ha ki kam jong ki, ka la maham ruh ia ki dkhar bad ki bar jylla ban shim hi ia ki jingtrei ha ki kam kontrak la ha ka kam shna ing ne kiwei pat ki kam private bad lada lap ka Association kan pynshitom ia ki.Katei ka seng ki kontraktor ka l akhot la wer ruh ia ki para kontraktor kiba trei ha ki tnad bapher bapher ka sorkar ba lada ki shem jingeh ki dei ban wan shakhmat ban pynsngew ha ka Association.
Phi don ban ong eiei?