Shillong:U Bah Gabriel K Iangrai, u heh pulit ba lah shah kem noh,u ba bat ruh kum u commandant jong ka kynhun Pulit SF-10 jong ka Meghalaya police, u la ioh ban kren sha ki nongthoh khu bor, hadien ba u la dep ban leh ia ka medical test ka jong u ha Civil hospital shillong.
U Bah Iangrai u la ong,”Nga don ka jing shaniah ba skhem ha ka jingiaid lynti ba hok bad ba shisha, kat kum ki aiñ ki kanun bad nga kyrpad ia phi, wat pat rai pynrem ia nga katba ka jing bishar kam pat kut”. La ka jingshisha ka dei ne em ba u ne u heh Pulit ba la shah weng kam noh u don kti ne em ha kata ka jing kynnoh ba u pyndon kam bakla ia ki pisa pilaiñ.
U la iathuh shuh shuh ba u long shngain dei na ka jingkyrkhu u Blei, na ki katto katne ki jingma pyrshah ia u.
Kum ban shu pyn kynmaw u bah Gabriel K Iangrai, u la shah kem noh ha ki pulit jong ka tnat CID ha ka 2tarik mynta u bnai halor ki ejahar ba la ujor ha sardar police station, halor ka jing pyndonkam bakla ia ka pisa ba la mang ban tei ia ka NERS PSAPS facility ha sardar police complex.
Na ka liang jong u myntri ki tnat kam pohïing jong ka jylla, u bah Lahkmen Rymbui, u iathuh ba la weng kam noh ia u bah Iangrai halor ka jing shah kem jong u.
Haba iathuh shuh u myntri, u la ong ka case lah dep ban buh, u briew u ba shah kem u hap ban iaid katkum ki kyndon jong ka aiñ.
Katkum ka jing pyllait khubor na U IGP jong ka tnat CID Meghalaya, u bah O Passi, u la iathuh ba ia ka case la phah ha ka 28tarik Risaw, namar ka jing pyndonkam bakla ia ka pisa pilaiñ haba iadei bad ka jingtei ia ka Ners complex.
Katkum ki jingtohkit ha ka 2/11/2022, ka tnat pulit ka la leit talasi sha ki katto katne ki jaka ba la dei trai da u iangrai, katkum ka jingai jingbit jong ka ïingbishar ba don burom jong ka special court (Pc act). Ki jaka ba la leit khynra ki long, ka ïingsah ha Lumshyiap, ha Upper Golflink 1,ka jaka sah ki ophisar pulit ha Golflink, ka ïing ri jing ri ha Rtiang umsning Ribhoi. Ha ka jing khynra la ioh kurup bun bah ki kot ki sla,ka pisa bad ki tiar ki tar na ki jaka ba la long trai da u ne u pulit ba la shah kem.Ka jingtohkit ka dang iaid shakhmat ban lap iaki jingshisha haba iadei bad kane ka bynta.
Phi don ban ong eiei?