Shillong: U Symbud myntri rangbah ka jylla u bah Prestone Tynsong, ula ong ba ym dei ban pynkylla ishu halor ka jing pynsangeh ia ka jing ialang hapdeng U Conrad Sangma, myntri rangbah ka Jylla bad ki nongialam ka Khasi Jaintia Presbyterian Assembly. U bah Tynsong, ula ong “Ynnai pynkylla ishu ia kane namar kaba leh u myntri rangbah ka long kaba dei”.
U Symbud myntri rangbah u la ong ba na ka liang ki minister baroh mynta ka sngi, hadien ba ki la ioh jingtip ia ka jingioh Covid jong ki 6 ngut ki nongtrei ha Secretariat, ki la pynsangeh noh ia ka jingia kynduh ia ki briew namar ba ka jingwan jong ki ka lah ban buh ia ki ha ka jingma. U la ong ruh ba ka jingiakynduh ban rai ia ka jingplie noh ia ki iingmane kan long ha ka sngi nyngkong kata ha ka 7 tarik u Nailur 2020.
Ha kawei ka liang ka Commitee jong ka Khasi Jaintia Presbyterian Assembly, mynta ka sngi, ka la pynpaw ia ka jingbitar hadien ba na ka liang u Myntri rangbah ka jylla u Conrad K Sangma, u la pynsangeh kynsan ia ka jingiakynduh bad ki nongialam jong kane Balang kiba la wan khnang na Rilum Khasi bad na Ri lum Jaintia. Kane ka long hadien ba u Myntri Rangbah u la buh mynta ka sngi ban ia kynduh bad kine ki nongialam jong ka balang ban iakren halor ka rai jong ka sorkar pdeng ban plie noh ia ka jaka mane Blei, hynrei mynta ka sngi u la pynsangeh noh kynsan ia ka jingia kynduh.
Shuwa ban bitar kan bha shibun Lada was shuwa ia ka daw..