Shillong:Ka Khasi Students Union (KSU) myn hynnin ka sngi, ka la thoh sha u myntri rangbah ka jylla u Conrad K Sangma haba dei bad ka jing iaid beit ka sorkar ban pyndonkam iaki tiar Rapid Diagnostic Test (RDT) naka bynta ban eksamin ban lap iaka jing pang ‘corona virus’.
Ka shithi sha u myntri rangbah ka jylla Meghalaya lyngba ka president ka KSU Delhi Unit ka samla Marbiang Khongwir, ka KSU ka la kyntu ba ka sorkar Megha laya ka dei ban sangeh noh ban pyndonkam da ki ‘Reverse transcription Polymerase Chain Reaction’ (RT-PCR) naka bynta ban ‘screen’ ia ki paidbah ba wanphai na ki jaka ba jur bha ka jing pang’corona virus’ lane ki ‘red zone’ ha shwa ba kin rung shapoh Meghalaya.
Ka samla Marbiang Khongwir ka la ong ruh ba ka kamram jong ki tiar ‘RDT kits’ ka long ban tip halor ka jingkhlain bor jong katei ka khlam COVID-19 bad kam dei satia ban lap ia kito kiba dang shu sdang ne kiba dang shu ioh jing pang ‘corona virus’ ne em.
Nalor kane ka KSU, kala kyntu ruh iaka sorkar ban kyntu iaki dorbar shnong ban pynthikna ba ki samla ka jylla kim nym shah niew bein hadien baki la wanphai sha la ing hapoh Meghalaya. Ka seng ka kyntu ruh iaka sorkar ban shim ka jing kit khlieh baki samla ba wanphai sha Meghalaya kidei ban bud ryntih ia ki kyndon ka tnat ka koit ka khiah.
Phi don ban ong eiei?