Wat ngeit ia ki khubor lamler, ka jingtrei shitom jongphi, kan nym long lehnohei, ong U Rahul Gandhi

New Delhi: Ha shwa jong ka sngi niew vote, U Rahul Gandhi, u khot ia ki riew ieid ia ka seng Congress, ba kin long kiba phikir bha bad ula ong ruh ia ki, ba kim dei ban sngew duh mynsiem, na kine ki khubor lamler, kiba ai jingkhein halor ka jingjop elekshon Lok Sabbha 2019.

U Rahul, ula thoh ha ka twitter jongu, mynta ka sngi, ha kaba ula ong  “Ki nongkyrshan ba ieid jong ka seng Congress, ki 24 kynta ki ban sa wa, ki long kiba kongsan bha. Long kiba husiar shi katdei eh. Wat tieng, namar ba phi trei halor ka jingshisha. Long kiba skhem jingmut halade, ka jingtrei shitom jongphi, kan nym lehnohei satia. Jai Hind. Rahul Gandhi.”