Wat leh Politic ia ka Jaitbynriew

Da u Sphondar Thongni

Ka Jaitbynriew kam dei ka nongkynti jongno jongno ne Jong Kano kano ka seng ne ka Political party namarkata wat ïalehkai politics bad ka jaitbynriew.Khlem da kynthoh ïano ïano ne ïa kano kano ka Seng ne ka Political party nga kren kyllum lang ïa baroh.Haba phi don shisha ka mynsiem ban kyntiew ïa ka ri bad ka jaitbynriew mano ban khang bad ban beiñ ban kynthoh lada phi ïeng ha ka jingshisha hynrei kumba ka long mynta ym don uwei ruh uba ieit hok ïa ka jaitbynriew.

Bun ki mih ki kren shongshit tang ha surok ban pynpaw ba ngi nangbha ban kren.Hynrei ngim lah ban leh ban pyni ïa ki kam teng teng ngi kren shongshit tang shipor ka jingïaleh ne ka jingkren kam pat poi sha ka thong la kynran dien noh bad la sngap noh jar.Kaba nyngkong eh ngi dei ban sngewthuh kaei ka jaitbynriew bad kaei ba ngi dei ban leh na bynta ka ri bad ka jaitbynriew.Baroh ngi ju ïa kren ïa kata ka phang bad bun kiba pyrkhat ba dei tang kita kiba kren ha surok kiba ieit ïa ka jaitbynriew.Kum ban shu comments ïa ka jingmih pyrthei jong ka VPP bun kiba pyrkhat ba dei satang ka VPP kaba ieit ïa ka jaitbynriew hynrei ka jingshisha kane ruh kam dei kaba ieit ïa ka jaitbynriew hynrei ka ieit tang ïa ka party lajong ban pynkhlaiñ ïa ka party ym ban pynkhlaiñ ïa ka jaitbynriew.

Ka VPP ne ka UDP,HSPDP ne ki National Party ngi dei hi ki Khasi u Ardent,u Prestone u Metbah u Paul ki dei hi ki Khasi.Kammut ba tang ba ngi leit pynïasoh bad kiwei ki Party la ki Seng Riewlum ne ki National Party ruh ba ngim dei shuh ki Khasi lane ba ngi leit die ïa ka jaitbynriew.Ka jaitbynriew kam dei ka nongkynti jongno jongno ngim lah ban thied ne ban die ïa ka.Ban ieit ne ban kyntiew ïa ka jaitbynriew ka shong ha ngi shimet shimet kumno ba ngin kyntiew ïa ka imlang sahlang ban trei mon sngewbha na bynta Jong u paitbah na bynta Jong kiba duk kiba jynjar bad ki khunswet bad ban kyntiew ïa ki riew donsap. Kawei pat ka bynta ba kongsan ban pynpaw ba ngi dei shisha ki riew ieit ri ngi dei ban don ka mynsiem ban ieit ïalade bad ban Burom ïa kiwei.Ban ieit ïa U Blei ngi dei ban ieit nyngkong ïa ki parabriew ba ngin Don ka mynsiem ban pynïatylli.Ban pynïatylli ïa ka jaitbynriew dei ban ïatylli ne ïasngewthuh jingmut Lang nyngkong eh para nongïalam.Lada para nongïalam ki don ka mynsiem ïa bishni wei halor iwei kumno ngin khmieh lynti ban pynïatylli ïa ka jaitbynriew.Lada para Nongïalam ngim don ka mynsiem ban ïatreiang kumno keiñ ngi lah ban wanrah ïa ka jingsuk ha ka jaitbynriew.Ka jingïakawang ktieh por election ai kan kut Tang hapor election hynriew ynda kut election ngin ïatreilang ban kyntiew ïa ka jaitbynriew.Lada ngi ïaleh na bynta Jong ka jaitbynriew ka jingjop kan nym long tang na bynta jong ngi kiba ïaleh ne tang na bynta Jong kata ka seng ne ka party ba ngi mih khmat. Hynrei ka jingjop kan long ïa ka jaitbynriew hi baroh kawei la ïa kiba kyrshan ne ki bym kyrshan ruh.

Haba ngi don shisha ka mynsiem ban ïaleh na bynta Jong ka ri bad ka jaitbyriew ngin ih shadien ïa ka jingsngew Party khampher lada ngi dei na kano kano ka party ruh.Katba ngi dang don ka jingsngew party ka jingïatylli kam don namar ym baroh kiba ieit ne ki ban jied tang ïa kawei ka Party.Ngi don ka hok ban jied ïa kano kano ka Party katba ngi mon hynrei la ngi Don ha kano kano ka party ngin kyrshan ïa ki issues jong ka jaitbynriew ym ïa ka party. Khaduh eh kam mut ba lada nga leit sha ki National Party kaba wan na bar ba ngan duh noh ïa ka jinglong Khasi bad ngan klet ba nga dei u Khasi.Kum u samla uba don ka jingieit ïa ka jaitbynriew la nga don ha kano kano ka Party ngan kren ïa ki issues Jong ka jaitbynriew ngan kren ha ka kyrteng Jong ka jaitbynriew ym ha ka kyrteng Jong kano kano kano ka seng ne ka Party. Kyntang ïawai nga ban ba ngim dei ban leh politics ïa ka jaitbynriew tang na bynta ka jingmyntoi shimet ne Tang ban myntoi ka Seng ne Party ba ngi don.