Wat la pakhang shnong, ka eksamin Class XI, kan iaid beit:MBOSE

Shillong 15, Rymphang:
Ka eksamin  jong ki klas XI ka MBOSE kan iaidbeit lashai ka sngi Nyngkong wat la ka don ka pakhang shnong ka HNLC.
Ka HNLC ka khot ia ka pakhang shnong ha ka 16 tarik mynta u bnai kumka dak ban pyrshah ia ki jingshah thombor ki nongniah trok bad ki Khristan ha Delhi, hynrei na ka liang ka sorkar kata na ka tnad pule puthi ka Meghalaya Board of School Education (MB OSE) ka la pyn tip paidbah ba ka eksamin Class XI Internal/Promotion kaba pyniaid da ki skul bad college ka ban long ha ka 16 tarik ne ha ka Lah Sngi U Bleikan iaid beit kumba la buh ia ka routine. Ia kane la pyntip da u Deputy Director ka MBOSE bah M Marbaniang.
Ka sorkar ka la dep pynmih ka jing pynbna ba ki ophis sorkar ha kane ka nongbah bad haman la ki District ki dei ban plie beit kumba long man la ka sngi. Nalor kane la bthah ruh ia ki Bank ruh ba ki dei banplie beit. Ka la kyntu ruh ia ki paidbah ba ki dei ban mih beit ha katei ka sngi pakhang shnong ban leit sha ki kam ki jam jongki kumba ju long man la ka sngi namar ka sorkar ka la bthah ia ki bor pahara jongka ba kin pyrkhing bha ka jingpa hara ha katei ka sngi khnang ban nym don kino kino ki riew shim kabu bad lada don ki riew shim kabu ki por pahara kin thwet da kaba tyngeh bad lada ioh kem kin ngat ha ki kyndon ain kiba pyrkhing bha ong ka tyllong khubor.