Da u Sphondar Thongni,Thiepdiengngan Kenïong.
Katba baroh ngi la ïa kwah ba ka ktien Khasi jong ngi kan rung noh sha ka riti synshar jong ka ri India ne ka Khynit ba 8.Hynrei dang bun kiba thoh phareng jubor wat ïa ki kyrteng ne ki jait Khasi paka.Kaba sngewphylla ba don ki kyrteng jong ki briew kiba ki kmie kpa kiba la pynkyrteng khasi paka bad kiba Don jingmut hynrei ki khun namar ba ki sngewstad palat bad sngewkhaiñ ban thoh phareng ki thoh noh da khongpong ïa ki dak kum ka nuksa ha jaka ban thoh da u ‘I’ ha Khasi ki thoh da u E ha English.Ha jaka ban thoh da u ‘B’ ki thoh noh da u ‘V’ ,Ha jaka ‘K’ ki thoh da u ‘C’.
Don kiba kyrteng ‘Iba’ki thoh ‘Eva’, Iban ki thoh Evan’ bad kumta ter ter.Don ruh ha kiba thoh bad pynkylla Phareng wat ïa ki jait ruh kiba ngam da kwah ban kdew ïa kita.Hynrei nga kwah ban ai jingmut hangne ba haba ka kyrteng ka dei kyrteng Khasi paka dei ban thoh bad spel beit da ki dak Khasi ym ban pynbakla ïa jingmut ba don ha ka.Namar don bun ki kyrteng kiba don jingmut hynrei ki blad noh da ka jingsngewstai ne ne sngew standard jong ki.Hooid don kiba ki kmie kpa ki pynkyrteng da ka Phareng kito te ngim lah ban ong eiei namar hap hi ban thoh katkum ka Kyrteng.
Ngin nym ïa phai dien shuh ngi lah biang pura ka rynieng rynioit. Ka lah dei ka por ban ithuh noh da ka riti shynshar jong ka ri baieit jong ngi.