Wat la ki Sengbhalang, ki la kynran na ka ILP Da lei lei ruh ka KHNAM kan ym kynran dien: Adilbert

Shillong,30 Iaiong:
Ka jingiakhih ILP ka dei ka mat ia khih kaba ki sengbhalang bad ki la seng sain pyrthei kiba dei ki seng riewlum ki la khih win ha kine ki khyndiat bnai ba la dep bad ba ki la mih madan ruh ban ia lap bad ia kren paidbah. Ki sengbhalang ki la kynran dien noh na ka jingdawa ILP ha ka jingiakynduh bad ka sorkar mynhynnin ka sngi bad ki dawa da kawei pat ka ain kaba ia syriem hi kum ka ILP, ka bym pat don kyrteng haduh mynta, kaba sah mynta ka long kaei pat ka rai ki seng sain pyrthei kiba la mih madan ban ia kyn ther paidbah halor ka ILP, hato kin kynran dien noh ne kin ieng skhem beit ban dawa ILP.
U nongthohkhubor u la ioh ban ia kren bad ar tylli ki seng riewlum ka UDP bad ka KHNAM, kaei ba ki shim halor katei ka jingkynran dien ki sengbhalang la kin kynran dien ne kin iaid shakhmat, haba ia kren bad uwei na ki nongialam ka UDP u la ong ba ka UDP kan dang hap ban shong pyrkhat bha shuwa bad ka lah ruh ban pan noh ia ka jingai jingmut jong u paidbah kumno yn leh halor ka jingdawa ILP kaba ki la ieng skhem kham mynshuwa.
U Rupang u a ioh ruh ban ia kren bad uwei na ki nongialam ka KHNAM u bah Latiplang Kharkongor uba long ruh u MDC ka nongthymmai ha kaba u tei u nongialam u la ong ba ka KHNAM kan shong ia ka jingialang kyrkieh jong ka lashai ka sngi, bad ha katei ka jingialang kan shim ia ka rai la yn kynran dien ne ban iaid shakhmat.
Kham hadien u Rupang u la ioh ban ia kren bad u working President ka KHNAM u bah Adilbert Nongrum, ha kaba u tei u nongialam ka KHNAM u la ong bad a lei lei ruh ka KHNAM kan ym kynran dien lane pynjem khnap noh halor ka jingdawa ILP, hynrei kan bishar shuwa ia kita ki ain ba ki sengbhalang ki la dawa la ki long ne-em kiba shngain na bynta ka jaitbynriew.
Lah ban pynkynmaw ba halor ka jingdawa ILP , ka HSPDP ruh ka dei ka seng riewlum kaba la shitrhem bha , ha kaba u nongialam jong ka u bah Ardent Basaiawmoit u la tur ruh sha kylleng ki jaka ban ialap paidbah ia ka jingdonkama bad ka jingdawa ILP. Katba lah ban kynmaw ia ki jingialap ILP ba u bah Ardent ka HSPDP u la pynlong kawei ka dei ha 7 mer, Mawnianglah , Upper Shillong ha kaba ha katei ka sngi la donlang u bah Robert Kharjahrin bad kumjuh ruh u bah Adilbert nongrum ka KHNAM.