Wat la ki la lait jamin, thmu pynngat ki pulit, sa 13 tylli ki kyndon Ia arngut ki heh FKJGP, ba ngat MPDA

Shillong,
06 Rymphang:
U SP ka East Khasi Hills u Bah M Kharkrang u la ong ba ia kitei ki arngut ki nongialam ka FKJGP ngi thmu ban pynngat shuh shuh ia ki ha ki kyndon ain bapher bapher.
Ka Kashari jong ka First Class Judicial Magistrate ka Kong R Rymbai ka la ai jamin ia kitei ki arngut ki nongialam ka FKJGP u Bah Eldie Newton Lyngdoh bad u Bah Reginald Ronald Thabah watla ki pulit ki kwah ban pynngat kyndon shuh shuh pyrshah ia kitei ki nongialam.
U Bah Kharkrang u la ong ba ka Kashari kam shym la khot ia ki pulit haba ka khot ban pynlong ka jingbishar ia kitei ki ar ngut ki nongialam ka FKJGP.
Kitei ki nongialam jong ka FKJGP ki la shah set phatok ha ka ain Meghalaya Preventive Detention Act (MPDA) la kumba saw bnai tam eiei bad ki la lait jamin ha ka sngi Hatmajai.