Nongpoh: Ha ka sngi kaba u Dasakhiatbha Lamare, MLA ka Mawhati, u la pynlong ia ka jingsam khaw sha ki longiing baduk kiba don ha ki 14 tylli Shnong ha ka thain Mawrong Road, u la ong ba kiba duk bad kiba shem jynjar ban ioh ia u khaw bam bam, kim dei ban da khuslai than, namar kum u nongmihkhmat un bad thaw ia ki lad ki lynti, na ka bynta ban weng ia ki jingeh kaba la iakynduh da ki paidbah bad khamtam ia kito ki longiing kiba duna ka ioh ka kot bad kiba duk tasam.
Utei u MLA Mawhati, u la ong ruh ba katei ka jingsam ia utei u Khaw, ka dei 1st Phase bad la pynmang kyrpang beit tang na bynta jong kito ki longiing kiba duk shisha bad lada ka pakhang shnong ka dang bteng, u la ong ba u la dep ban pynkhreh na ka bynta ban sam sha kito ki longiing baduk bad kiba shem shitom ban ioh ia u khaw bam.
Namarkata, u Dasakhiatbha lamare, u la kyntu ia kito ki longiing kiba duk ba kim dei ban duh mynsiem haba iadei bad u Khaw, namar na ka liang MLA, u la dep pynkhreh bad ha kajuh ruh ka por u la kyntu ia ki paidbah ba kim dei ban shimkabu halor ka jingkular ka jong u ia ki longiing baduk, hynrei ki dei ban pyrkhat bad kim dei ban don kano kano ka jingsngew haba u MLA, u ailad bad sam shwa ia kito ki longiing kiba duk shisha bad kiba shah thngan ha ki iing ki sem.
Kiba la donlang ha katei ka jingsam Khaw, ki kynthup ia u Raja Brahma, BDO ka Umsning C&RD Block, u Bah B.B Makdoh, President ka Synjuk ki Rangbah shnong 14 Shnong, u Bah Lang Syiem, Rangbah Shnong ka Banbudai lem bad kiwei.
Phi don ban ong eiei?