Wat khot shuh ia U Lat Paul “His Excellency”

Shillong, 22 Naitung:
U Lat ka jylla u Dr KK Paul u la mynjur ban sangeh ban pyndonkam ia ka ktien, ‘His Excellency’ ha ki jingialang kiba iadei ha kane ka jylla. Ka ktien jingkhublei burom (salutation) kan bteng ha ki jingiadei kiba iadei bad ki heh sorkar nabar ri.
Ha ki jingialang ha kane ka jylla, yn pyndonkam noh da ka ktien ‘Hon’ble Governor”,. Kane ka long katkum ka kyrwoh ba la pynlait da u Principal Secretary jong u Lat ka jylla.
U lat, ula shimti kum U Lat jong ka Jylla, ha ka 8tarik Naitung 2013, hadien ba U Lat barim, U RS Mooshahary, ula kut, ka por treikam jongu. U Lat KK Paul, ula dei U Commissioner barim jong ki pulit ha ka nongbah Delhi.