Wat khang ia ka khyrdop iakren, ong u Bah RG Lyngdoh ia u Mukul

Shillong, 11 Nohprah:
U Myntri kam poh iing barim ka jylla uba long ruh mynta u vice chancellor ka MLCU u Bah Robert G Lyngdoh u la ong ba u Myntri Rangbah u Mukul Sangma um dei ban khang ia ka khyrdop iakren bad ki sengbhalang ba iakhih ban dawa ia ka Inner Line Permit (ILP) ha kane ka jylla.
U Bah Robert u la ong ba u long ruh uba kloi ban ai jingmut sha ka sorkar ban pynkut noh ia kane ka jingiakhih halor ka jingdawa ban pyntreikam ia ka ILP.
U Bah Robert u la ong ba “lada phi khang ia ka khyrdop ban iakren, ka jingiakhih kan hoit lut sha madan. Ngi dei ban plie ia ka jingkhang ban iakren”.
U Bah Robert u la iathuh ruh ba u lah ban ai jingmut sha ka sorkar kumno ban pynkut noh ia kane ka jingiakhih halor ki lad ki lynti ban tehlakam ia ka jingwan ki briew nabar kaba la wanrah jingpynwit ia ki briew kiba wan kai sha kane ka jylla.
Hynrei, um kwah ban iathuh ia kata ka buit jongu ban ai jingmut sha ka sorkar ban pynkut ia ka jingiakhih halor ka ILP.