Wat ju pyrshang ban kam trai ia ki wah, pynpra mardor ia ka jingkieng:H.B.N.Nonglang

Shillong 27 Ïaiong: Ka Green tech foundation hapoh ka jingialam khmat u bah HBN Nonglang u ba dei u chairman, ha ka 27 tarik u iaiong 2024, ka la leit ban jngoh ia ka wah thangsniang kaba don ha laitumkhrah hadien ba ki la ioh jingtip ba ka don ka jingtei kaba la pyntrei halor jong katei ka wah.

Kane ka jingtei kadei kaba la pynkhein katkum ka ain water bodies preservation and conservation guidelines 2023 kaba la pynmih da ka sorkar jylla  katkum ka hukum na ka ing bishar.

Haba kren sha ki lad pathai khubor, u bah Nonglang u la ong, ba ka seng Ka la phah ruh ka jingthoh shapoh ka district administration ba dei ban pynsangeh bad  pynpra noh ia katei ka jingtei katkum ka ain 133 crpc 1973.

Kumta ka seng ka la ong ba lada ka jingleit ujor jong ki kam poi shano shano ka seng kam banse ban leit mih sha high court bad ruh sha ka national green tribunal

U bah nlNonglang u la ong ruh, ba uno uno ruh um dei ban kam trai ia ki wah da kaba pyrshang ban tei ia ki jingtei bad kyntur pud sha ki wah.

U la ong ruh ba ka seng  kan nym ailad ba kin don kiba kyntur pud sha ki wah u la kyntu ruh ia ki nongialam shnong ba kimdei ban ailad ia kum kine ki jingtei ha ki wah.