|
[ba bteng]Haba la poi ha iew ka Kongthei Daplin ka la leit beit beit ban rung sha basa die jain ban leit it skad bad jain shol. Ka Lanosha ka la shu bud nadien nadien jong ka bad ki la rung na kawei ka dukan sha kawei pat. Khatduh ki poi ha ka dukan u Bah na na Mairang bad I Kongthei Daplin I la ioh ia ka shol nangta. Hynrei ia ka skad pat I khlem ioh. Kumta ki mih noh na iew bad ki leit rung noh ha kawei ka dukan kaba don ha khmat surok. Ynda ki la poi hangta donbok ki ioh ia ka skad ba I Kongthei I mon.
“Nga la I biang ine Lano…. I kham rem tangba ym lei lei ba I stai te mo…” La ong I Kongthei Daplin
“Em ine pat te I la biang eh hi kein…”la bynrap ktien sa I Lano
Hadien ba la ioh ia kita ki jain ki sdang it sa I dukan sha ban ia dihsha noh.
“Hangno kumto ngin leit dihsha ….”la kylli I Kongthei ha I Lano
“Kat sha ba ialam ma phi nga lei nga biang beit…”la jubab ka Lano
Kumta ka Daplin ka ialam na khmat na khmat ban rung ha kawei ka dukan kaba don hakhmat surok kaba I kham khuid. Ha kane ka dukan la don ka Kong Lieh ba ki sin, ka ba dang samla bad kaba sngaid japreid. Katba dang ia dihsha hangta ka Lanosha ka la shu peit seh ia ka Kong Lieh ba ka da sngaid khyllah eh. Ynda la mih nangta ka iathuh ha ka Daplin
“Kongthei nga mynne nga shu peit sah ia kato ka Kong Lieh ba ka da sngaid khyllah eh kumto…” La ong ka Lanosha
“Pha te ba da stad …. Nga ruh nga I tynnat ban sngaid kumto…”la ong ka Daplin.
“Shish pha nga te ban sngaid kumto nga I sih. Ni nga te ngam kwah lah shu I japreid…Ym I phit shuh ban phong jain phong nep ruh. ” La phai ktien ka Lanosha
Katba ki dang iaid ha surok ki ioh sngew ba la don ba khot
“Thei thei….” Wak ka Daplin ka phai
Hangta ki iohi pynban ia u Bah Malki
“Ade Bah phi wan na ei…? La kylli nyngkong ka Daplin
“Nga shu wan siew phi … Nga mih na jingtrei….” La iathuh u Bah
“Phi te imat kawei ka mynsiem ar ka met mo…”La kren danda u Bah Malki
“Hooid kein lah noh hi kumta namar man ba phi iakynduh ngi don beit ar ngut ar ngut…”la phai ktien pat sa ka Lanosha
“Hooid kein man ba phi iakynduh kumne beit mo…”la pynbud ktien lem sa ka Daplin
“Ale ngin ia dihsha teng noh…” La wer u Bah Malki
“Ngi dang Shu dep mynta mynta…”la iathuh ka Daplin
“Hooid kein …Ngi dang Shu dep…” La ong pat sa ka Lanosha
Hynrei u Bah Malki u la pynbor iaki kumta kim banse ban ia leit la ka leit. Ka Lanosha ka la kyndeh mynsiem jur namar ka dur khmat jong u Bah Malki watla u la rangbah hynrei u long u ba kynjai bad I donburom bha. Kumjuh ka Daplin ruh ka long kumta hi kum ka Lanosha. Baroh arngut Ki la iakmen eh hapoh ka mynsiem ban ioh ia ka ba kum kata ka lad ban ia dihsha bad uta u Bah.
“Phin dih da jingbam aiu…” La kylli u Bah Malki
“To ai katba phi dih phi ka biang hi…” La pynpaw ki arngut
Shi phang ki la ioh ban iakren ia khana bha bad ki la ia sdang tip bha shaphang jong u kumjuh ma u ruh shaphang jong ki. Hadien ba la iakhlad nangta ka bneng ruh ka la sdang sa ban dum bran ki ia leit noh sha la iing la iing.
Baroh ar ngut shi para lok, mynmiet ki la ia ksaid ban pyrkhat shaphang u Bah Malki . Kumjuh ruh u Bah Malki ynda u poi ha iing katba u dang shong marwei marwei um lah shuh ban klet ia ka dur bad ka sur jong ka Lanosha
“Ito I wei I Lanosha I la pynbiej ianga….” U kren wei briew
“Hynrei kumno ngan lah ban iakynduh bad I marwei….” La buh jingpyrkhat u Bah Malki
Ka jabieng jong u ka leit pyrkhat
” Imat kito ruh ki dang ia thylli namar ki shlur bha ban ia iaid syndah syndah bad nga ruh” [yn dang bteng]
|