|
Khana babteng
“Khun nga te nga itynnat ia uto u briew…. Tangba ka shong haphi…” La ong u kpa
“Phah wan kai noh kein shane….”u la ban ktien biang..
“To ih ngan pyrshang kata Papa….” La phai ktien ka Lanosha
Hadien katto katne por ba la ioh ban ia shong kai baroh ar ngut ki ia leit thiah noh.
Lynnong- 2
Ki sngi ki bnai ki la nang iaid stet. Ka rta ruh ka la nang iaid kum ka por hi ha ka jingim jong ka Daplin bad ka Lanosha. Uta u snem uba ki la ioh ban ia ithuh ithaw bad u Bah Malki u la poi sha bakut noh syndon . Kumta ha ka jingkut snem bad ha ks jingioh snem thymmai ka ju don ka jing ia ai sngewbha markylliang shi paralok kumta ruh ka la jia ha ka jingiaid lynti ka jingim ki ar ngut.
Ha ka taiew ba nyngkong eh jong u Kyllalyngkot haba u Bah Malki u la wan sha jingtrei. Ka Daplin nyngkong eh ka leit mih sha ophis ba u trei. Ka rah ryngkat bad I song jingai sngewbha.
Haba la poi ha jaka trei u Bah Malki ka Daplin ka la phone ia u bad u Bah Malki u la wan mih ha phyllaw ka ophis. Marsien iohi ia u ka Daplin ka la kyndeh mynsiem tuk shi tuk
“Ade Kongthei phi wan shane…?” La ong u Bah Malki
“Hooid Bahdeng… ” La jubab I Kongthei
“Nangta phi wan donkam ne kumno…” La kylli biang
Ka Daplin ka la jnang kumno ban jubab. Ka la pyrkhat ban ong ba ka wan donkam shawei ruh ka sngew kumba kan sting thew noh ka jingwan khnang jong ka. Kumta ka la pyrkhat ba kumba ka thmu ban iakynduh khnang bad ka dei hi ban iathuh beit.
“Nga wan kynduh khnang iaphi…” La iathuh ka Daplin.
U Bah Malki kum ba shoh tyndep u la shu ong
“Ade kumno kumta…. Phi da pynlut por khnang eh …” U da rkhie artat
“Ale ngin ia leit dihsha noh dihsha snem thymmai…” U la wer iaka
Ka Daplin ruh thiaw thiaw ka bud beit ia u. Dei hangta ha dukan sha ba ka Daplin ka sei ia I song ba ka thep ha pla ban ai ha u.
“Shim ine i jingai sngewbha snem thymmai jong nga iaphi…” Ka la ong
“Em phi wat leh biej kumne… Em phi leh aiu kumne…” La ong u Bah Malki
“Em Bahdeng wat ong kumta … To shim ba nga ai sngewbha te… Ym don eiei hynrei tang namar ba nga sngew tynnat iaphi…” La pynbor ka Daplin. Kumta hi u Bah Malki u la hap ban shim la ka shim
“To khublei kata…shibun eh.. nga pat ngam don eiei ban ai..” la ong biang u Bah Malki
“Em ngam donkam ia kata… Sa wan mih kai noh kein sha iing…” ,La ong sa ka Daplin
“To ngan sa wan… Ngin sa ia pynbeit..” la ong u Bah Malki.
Hadien shiphang ar phang ba ki iashong kai hangta bad ka dihsha ki sa ia khlad noh la ka lynti lynti.[yn dang bteng]
|