Khana babteng
Kaei kaba jia ha kata ka miet ba la leit noh ka la pynpyrkhat sah ia ka jingmut jong ka Lanosha. Kumjuh ruh wat ha ka liang u Bahdeng baroh shisngi ha ophis u da sngew rangbah bha.
“Pleng ka jingshimti ia ka kyrdan longkpa ka pynsngew rangbah shisha..” U la kren marwei marwei.
Ha kata ka sngi babud ruh hadien ba la wai trei u la leit biang sha iing ka Lanosha. Dei ha kata hi ruh ka sngi hadien ba la dep bam dep dih ka Lanosha ka la iathuh noh ha la ka kmie shaphang na jingiadei shi lok jong ka bad u Bah Deng.
“Mei nga la ia bakla bad I Bahdeng … Ngi la kum ia shong…” Ka la iathuh bad ka dem la ka khlieh
“Ka biang khun ym lei lei, wat ma nga ruh nga I hun hi ia u briew te. Tangba phi hap ban iathuh ruh ia la u kpa..” La bynrap ktien sa ka kmie
“To Mei ngan iathuh noh mynta hi…” La phai ktien ka khun
Kumta ha kata hi ka miet hadien ba la iathuh jar jar ha la ka kmie ka leit ban iathuh jar jar sa ha la u kpa. Ka jingshai ktien bad ka jinglong tipsngi jong ka khun ka la pynlong ia u kpa jong ka ruh ban ym sngewpher ia kata
“Ka bha khun wat nga ruh nga la khnih lynti ia kane ka khubor ba phi iathuh ban ioh sngew noh. Shano I Bahdeng…?” La pynpaw bad la kylli pat u Kpa
” I don to ap ngan khot i dang shongkai bad I Mei..” La jubab ka khun bad ka ieng nangta ban leit khot ia u hynrei u kpa jong ka hi u la wan ban iashem hangta.
“Mynta ngin khot noh iaphi Pyrsa..” La ong u Kpa ka Lano katba dang khublei ia u Bahdeng.
U shong lang syndon hang ta bad ki iasyllok shi bun kiei kiei na ka bynta ka jingbha jong ki baroh arngut.
Ki sngi ki iaid tang hadien shi taiew ka Kongthei Daplin ka la bna khubor shaphang kata bad ka la dap da ka jingsngewsih bajur. Ha kawei ka step ka la leit sha mih khnang sha iing ka Lanosha dang step. Hang ta ka iakynduh shisha ia ki arngut ba ki dang ia dihsha. Ka Lanosha marsien iohi ia ka Kongthei Daplin ka la her mynsiem hynrei watla katta ruh ka pdiang sngewbha ia la ka paralok
“Rung rung Kongthei… Ngi dang dihsha …” La ong ka Lanosha
Ka Kongthei Daplin kam treh rung ka shu phet jyndat wut, khlem phaidien shuh. Joit ka Lanosha ka ieng na ba shong ban leit khot iaka, hynrei la ka pyrta katno katno ruh, ka Kongthei kam sngap.
“Balei pat….?” La kylli u Bahdeng
“Em nga khot ia I Kongthei…” La jubab ka Lano
“Im treh rung ba don manga tharai…” La ong pat u Bahdeng
“Lehse ni synei te phi ia I Kongthei I Mon iap ianga hynrei ioh ei ma phi..” La biria u Bahdeng
“Hooid kein bapli….” La bynrap ktien lem ka Lano
“Dei ba nga bha briew eh..” La biria biang u Bahdeng
“Dei kein kat ka jingbhabriew jongphi te mo… Wat nga ruh ngan nym ioh shuh hi uba kum maphi… Ban kum I Kongthei lei bapli te I la kut lad hi kein…” La ban ktien sa ka Lano
Ka Lanosha ka la sngew lem shibun eh ia ka Konhthei Daplin. Ha kata ka step kam suk mynsiem shuh watla ka don bad la u baieid.
Phi don ban ong eiei?