Shillong: U bah Prestone Tynsong, u Symbud Myntri rangbah ka jylla, u la kyntu ia u MLA ka North Shillong u bah Adelbert Nongrum, ba u dei ban rah ia ki mat jingeh ki paidbah ban iatai hapoh ka ingdorbar thawain, ym ban ia leh political drama.
“Haba u paidbah u la dep ban ai ia ka rysan bad u la jied ba phin mihkhmat hapoh ka ingdorbar la dei ban rah ia ki mat ban iakren hapoh ka ingdorbar thawain, ym donkam ban ialeh political drama hangne namar ba ngim donpor ban leh drama namar ba ngi bun kam ban shim bad ban pynbeit ia ki mat ki ban ktah ia ka lashai la shisngi” la ong u bah Tynsong ha ka sngi ba ar. Lah ban kdew hangne ba na ka liang u MLA ka North Shillong hynnin ka sngi u la sdang ia ak jingiakhih da ka ba shong kyllain mongor ha madan Malki ban dawa na ka sorkar ban pynurlong ia ki ba bun ki jingdawa. Na ka liang u bah Tynsong u la ong ba ki mat ki ba u bah Adelbert u la dawa ki ki dei ki ba la don lupa ha ka agenda jong ka sorkar MDA . “la ka dei ha ka jingpynbeit noh u pud u sam ngi dang iaid shakhmat, ka ILP ngi dang bud dien bad ka jingpynkynriah ia ki briew ba sah ha Them iew Mawlong ruh ngi la pyniaid shait shait ia ka kam bad kiwei kiwei”u la bynrap shuh shuh.
“U bah Adelbert u la iohi bha ia ka jingshim khia jong ka sorkar MDA ba ka la iaid shakhmat, hynrei u dang ia khih ngam sngewthuh kaei ka jingmut hynrei lada ym dei baroh ruh hynrei don na ki mat ki ba u la dep ai ngi la dep ban iaid shakhmat “la ong u symbud myntri rangbah.
U la ther tyngeh ruh ia u bah Adelbert “Wat ong ba phohsniew mynta bad la shai ka la long kam kata ka bym lah long ,nga sngew ban ong ba ynnai ia leh political drama namar kam itynnad”.
“Ka rynsan phi la don, u paidbah u la dep ban phah ia phi ban long MLA hapoh ka ingdorbar Thawain kan bha ba ngin ia tai hapoh ka ingdorbar khnang ban ia shai” la kyntu u bah Tynsong.
U la bynrap shuh shuh “Kam donkam ban ialeh political drama hangne bad ngim donpor ban leh drama, namar ba ngi bunkam ban shim bad ban pynbeit ia ki mat ki ban ktah ia ka lashai la shisngi”.
Phi don ban ong eiei?