Wat ia pein ia ka ILP bad ka pela sha, kyntu ka KSU Mawlai

Shillong,14K’lyngkot:
Ka KSU Mawlai circle ka la pynpaw ia ka jingsngew kmen halor ka jingkhot ia kren ka sorkar ia ki 13 seng lashai ka sngi ka 15 tarik u kylalyngkot. Shuwa ba kin leit sha katei ka jingialang ba la khot ia kren da ka sorkar hapoh ka jingialam u Myntri Rangbah ka jylla u Dr.Mukul Sangma ,ka KSU Mawlai ka la kyntu ia ki nongialam jong ki 13 seng ba ki dei ban oieng beit ha ki nongrim kiba skhem ba ki sengbhalang ki ieng ym ban ia pein bad ka sha pela. ‘Ngi kyntu ia ki nongialam ki 13 seng bhalang ba kin long kiba skhem nongrim, bad ban nym iapein  bad ka sha pela,  kiktien jail ja-um lane bad ki ‘si sam khmut u Mukul’ ong u samla Donbok Kharlyngdoh President KSU Mawlai Circle.
Ka Circle Mawlai ka pynkynmaw ruh ba kumba ki la ia pyrta teng ha ki saw bnai ba ladep “NO ILP, NO REST “khamtam ka jingkyrshan met bad mynsiem jong ki Para Ri lyngba ka jingialangh piadbah ha madan student ha ka 30 tarik u naiwieng ka kwah ruh ban ban ong ia ki nongialam ba katei ka kyntien ILP ’to ai kan iai im ha ngi ki 13 seng’ ong ka kyrwoh u Bah Kharlyngdoh.