Wat hapdeng ka covid, ioh kamai ka tnat pyniaid kali T.32klur

Shillong:U Ma Sniaw bhalang Dhar, myntri ka tnat ka kit ka bha, u pyntip ha iing dorbar, ba ka khajna, na ki kali kamai, kaba la ioh lum, ha u Lber 2020 haduh U Lber 2021, ha kaba na ka STA ka long T.2,04,04,208.00, DTO Shillong T. 12,59,11, 000.00, DTO Nongpoh T.1,17,32,294.00, DTO Nongstoin T.2,02,20,248.00, DTO Mawkyrwat T.39,23,068.00 DTO Jowai T.4,29,10,378.00, DTO Khliehriat T.3,35,18,326.00, DTO Tura T.3, 37,8, 141.00, DTO William nagar T.6, 89,837.00, DTO Bagh mara T.43,44,829.00 DTO Resubelpara T.34,28,323.00, DTO Ampati T.34,44, 022.00. Total T.32,42,8 1,034.
U bah PT Sawkmie (Congress), ula kylli ia u myntri, la ka sorkar, ka ioh khajna ne em, na ki bos saw, ha kaba u myntri, u iathuh ba ki bos saw, la shim, ba ki dei ki bos sorkar bad kumta kim siew khajna satia.

U Ma Dhar, u iathuh ruh ba ka sorkar Jylla, ka la mynjur ban ailad ia ki kali, ba kin siew khajna bapher, nangta ia ki laisen niah kali ruh, haduh ka 30tarik U Nailur 2021, wat la ki dei kiba la kut por, na ka daw jong kane ka khlam coid 19, hynrei halor kane ka mat, U bah PT Sawkmie, u iathuh ba katei ka jing map khajna, kam trei kam satia, namar ba ki don ki nongniah taksi na ka Constituency jongu, kiba la hap ban siew khajna.

U bah George B Lyngdoh (Congress), ula pynsngew ruh halor ka jingkiew dor ka bai kali, na ka daw ba ka don ka jingkiew dor ka bai petrol bad nangta ba ki nongshong kali, ki hap ban ia shong duna briew bad ula ai nuksa ba ka bai kali na Umiam sha Shillong, ka long T.100 marwei bad kumta, lada ki don ar ngut kiba wan skul na kajuh ka long iing, sha Shillong,ka la lut tang ka bai kali haduh T.200 shi sngi.
U Bah HM Shangpliang (Congress), ula leit rah ruh ha ka iing, halor ka jingrem dor ka bai permit, kaba long T.25,000 ha ka shisnem, na kaba long T.2,900 mynshwa.