Shillong:Ka seng Hynniewtrep National Youth Front (HNYF) ha ka sngi ba ar ka 10 tarik u nailur 2023, ha ka jingialam khmat u bah Bless u ba dei u President ka la leit ban iakynduh ia ki nong ialam jong ka jaka ia siat tim ha Polo, ka Khasi Hill Archery Institute (KHASI) ban iakren halor ka jingioh jong ka sorkar, namar ka sorkar ka ju ong, na ka por sha ka por ba kam ju don ka kamai kajih kaba biang.
Ha ka jingia kren bad bad ki lad pathai khubor, hadien ba ka seng ka la dep ban ïakynduh ban iakren bad ki nongkitkam ka Khasi Hills Archery Sports Institute, u bah Bless Dkhar, u ba dei u President ka seng, u la ong ba ka jingleit jong ka seng ha katei ka jaka kam dei ba kan pyrshah ne khang ïa ka jakpoh jongno jongno, hynrei ban leit ïakren ha kaba ïadei bad ka jingïoh khajna jong ka sorkar namar na ka por sha ka por ka sorkar ka ju ong ba kam ju don kata ka jingïoh khajna na ki dukan thoh tim.
U Bah Dkhar u la ong ba ha katei ka jingleit jong ka seng, ka la lap ba ka Hynniewtrep ka don ïa ki kot ki sla bad ka laisen kaba biang.
U Bah Dkhar, u la ïathuh, ba wat la na ka liang ka sorkar ka khlem ailad ïa ka Hynniewtrep, ban pynthymmai ïa ka laisen kaba la pynlong ïa ki nongpynïaid jong ka Hynniewtrep, ba kin rah ïa kane ka mat shapoh ka ïingbishar, hynrei na ka liang ka ïingbishar ka khlem pynmih satia ïa kano kano ka hukum ban pynsangeh noh ban ia siat tim lane ban nym shah ban pynmih nombar bad ki nongpynïaid jong ka Hynniewtrep, ki la ïathuh ba naduh ba la kut ka laisen ha u snem 2016, ki ju siew beit ïa ka khajna haduh mynta sha ka sorkar jylla.
“Ka seng ka la pynsngew ruh sha kitei ki nongpyniaid ba ha ki dukan thoh tim kiba bun kiba pynïaid ki dei ki bar jylla ki bym biang ïa ki kot ki sla kiba biang kaba long beaiñ bad kane ka la pynlong ïa ka seng ba kan nym lah ban shu sngap ba ki barjylla kin wan leh khaii bad kamai spah shane bad knieh lut ïa ka pliang ja bad ka kam ka jam jong ki paradoh parasnam”.
Ka jingkhynra license ha kane ka taiew ba dang shu dep sha ki thain Garikhana ter ter haduh Motphran ka la mih ka jingiaklumar hapdeng ka seng bad ki khasi, ba shong dukan thoh tim, hynrei ka seng ka la kren shai ba kam don daw eiei bad ki para doh para snam lajong ban leh ia kano kano ka kam tyngba ki kwah ban tip ba ka kam kan dei beit katkum ka lynti kaba dei, hynrei kam dei ban long beain, la bynrap u bah Bless.
Ka seng ka peit beit thik ia ki bar jylla kiba shu wan kamai spah kamai beaiñ ha ka jylla bad ban wan knieh lut ia ka kam ka jam jong ngi khlem da biang ki kot ki sla ki ba biang.
Phi don ban ong eiei?