Wat buhrieh shini hapoh kudam, maham u ADC

Shillong:U Additional Deputy Commissioner ba khmih ïa ka Sohra Civil Sub Division, ula maham ïa ki nong khaïi shini kiba hab hapoh ka Sub Division, ba kim dei ban set ne buhrieh ïa ka shini ha ki kudam.

Une u Ophisar ula ong ba ki Nongkhaïi ki dei ban kiar ha kaban leh ïa kane ka kam, kaba ju leh tang ban pynduna ïa ka jingdon ka shini ha Ïew, ka ban lam sha ka jingkiew dor ka mar.

U ADC ula bthah ïa ki Nongkhaïi naduh ki Wholesaler, Retailer bad ki Nongpynmih shini hapoh ka Sub Division ba ki dei ban register bad pyntip ïa ka jingdon ka stock shini hapoh ka website ka Sorkar http://esugar.nic.in ban ïoh peit pyrman ïa ka jingdon ka stock shini.