“Wat ai mon ia ka Hima Mylliem” ong ka KHNAM

Shillong, 9 Risaw:
Ka KHNAM State Youth Wing ka ai jingkyr-shan ia ka jingdawa ki nongshong iew ban weng noh ia ki nongsah be-aiñ ha Iewduh bad ka KHNAM ka la pynpaw ka jinglyngngoh ba ka Hima Mylliem bad ka District Council kim lah ban pynurlong ia katei ka jingdawa ki nongiew kaba la kham slem.
Kala ong ruh ba ka jinglum pisa ka Hima Mylliem na katei ka iew kam dei shuh kaba duna manla u bnai, bad ka pyni ba ka Hima Mylliem kam shimkhia na bynta ka khuid ka suba ka iew bad na bynta ka jingshngain ki nongwan iew. Ka KHNAM ka la ong ba ka jingleit jurip u CEM ha ka 11 tarik mynta u bnai ka dei ban long kaba myntoi ia ka Iewduh bad ba ka KHADC ka dei ban shim la ka jong ka bynta ym ban aim on ia ka Hima bad ki myntri ban leh katba mon.