Shillong,12 Jymmang:
Ka Seng ki kynthei ka KWWADA ka la pyn paw ka jingpyrshah ia ka sorkar ban
ai jaka ia kiwei pat kiba la shu dawa khlem nongrim ha ri Lum Khasi bad Jaintia. Katei ka seng kynthei ka la pynkynmaw ruh ba la bun ki jaka ki puta kiba la die duh, shah klun khlem jingkhein, hynrei mynta pat la nang kharoi sa kiwei pat ki rukom klun jaka.
Ka KWWADA ka la kyntu ia baroh ki paradoh para snam kiba don jaka ha kane ka Ri Hynniewtrep ban ym die duh ne ai wat tang shi tda ruh ka jaka sha kiwei pat. Ka la kyntu ba kin pyrkhat sani bad pyrkhat arsien na bynta ki longdien.
Ki longkmie ki la kyn tu ruh ia kito baroh ki ba kwah ban leh don bor, kren khor, ne pyn iapher jait, jingiapher jingmut ban pyrkhat ar sien, namar ka la ong ba mynta kaba donkam eh ka dei ka shongsuk shongsain hapoh jylla.
Lah ban kdew ba ka KWWADA kam shym la kynthoh iano iano ruh ha katei ka kyrwoh kaba ka la phah mynta ka sngi , hynrei la sngewthuh ba katei ka jingthoh ka dei ka jingkyntu kynpham sha ki paidbah ka bri u hynniewtrep halor ka jingthmu ka sorkar ban ai jaka rieh tngen ia ki lehnoh ANVC-B. Lah ruh ban pynkynmaw ba ka KWWADA ka dei kawei na ki seng longkmie kaba don hapoh ka kynhun ki 13 seng ha ka jingiakhih ILP.
Phi don ban ong eiei?