Shillong:U Myntri rangbah u Conrad K Sangma ula pynbna ia ka jingbuh thong ka sorkar ban pyllong ia ka Meghalaya kaba la bit la biang nadong shadong ne ka developed state ha u snem 2032.
Mynta ka sngi, u Myntri Rangbah ula wanrah ia ka mang tyngka na ka bynta ka snem 2025-26, kaba duna pisa T. 1970 klur. Haba wanrah ia ka mang tyngka, u Conrad ula buh thong ba ka jingpyllut pisa kan long T.27,597 klur tyngka bad ka jingpynmih kan long T.25627 klur tyngka.
U la antad ban ioh pdiang pisa T.30,415 klur kynthup T. 25,591 klur ka khajna bad ka capital T.4,824 klur lait noh ka jingshim kylla T.4,788klur bad ka jingioh baroh kan long T.25,627 klur.
Ka jingpyllut kan long T.30,003 klur ha kaba ka jingpyllut na ka khajna kan long T. 20,556 klur, bad ka jingpyllut na ka Capital kan long T.9,447 klur, lait noh ka jingsiew ia ka ram kaba long T. 2,406 klur bad ka jingpyllut baroh kan long T. 27,597 klur.
Ka jingsiew kan long T.1,347 klur bad ka baibam tymmen kan long T.1,824 klur. Kane ka jingduna pisa kan long 2.96% jong ka GSDP bad ka long kaba biang tang hapoh 3.5%.
Shwa ia kane, haba wanrah ia ka mang tyngka, u Conrad ula ong ba ha kine ki 7 snem, ka jylla ka la kiew sha ka 11 percent ha ka ioh ka kot.
U myntri rangbah ula maitphang ruh ia ka thong, ka Meghalaya Mission 10 ban kyntiew ia ka jylla sha kliar. U la ong ba mynshwa la mang tyngka da kaba pynshong nongrim ha ki tnad sorkar hynrei mynta ka la wanrah ia ka mang tyngka da kaba pynshong nongrim halor ki skhim na ka bynta ki paidbah.
Buh thong ba u Conrad un rest noh jai ha u snem 2028, lum kumta te ploiñ kan sa poi k ata ka nem sniew
kam lah ban long kata te lah ban dei ia la de ha u snem 2032 ym long u briew u ba riew spah tam namar kumno ka state kan riewspah ia ki bapli ki duk ym lah ban trei mawiong tang ki High level ki lah ban trei mawiong