Wanrah ka sorkar ia ka MRSSA ha ka sngi sdang dorbar

Shillong: Ka dorbar mang tyngka ka jylla ka la sdang myn hynnin ka sngi kaban neh haduh ka 25 tarik mynta u bnai. Kane ka dorbar mang tyngka ka dei kaba lyngkot sngi bha, ha kaba ki MLA kin iakren ia ki mat bapher bapher kiba ktah ia ka jylla.

Mynta ka sngi, ka dorbar ka la sakhi ia ka jingwanrah ia ka Indian Stamp (Meghalaya Amendment) Bill 2020, ka Meghalaya GST (Amendment) Bill 2020, ka Meghalaya Passengers and Goods Taxation (Amendment) Bill 2020, Megha laya Identification, Registration (Safety & Security) of Migrant Workers Bill 2020 bad kumjuh ia ka Meghalaya Residents Safety and Security (Amendment) Bill 2020.

Ka iing dorbar ka la sakhi ruh ia ka jingwanrah ia ka kaiphod jong ki tnad sorkar bapher bapher.