Wanrah ka KHADC ia ka mang tyngka ba T.104 klur tam

Shillong,23 Jylliew:
Ka Khasi Hills Autonomous District Council (KHADC) mynta ka sngi sdang jong ka Dorbar Lyiur jong ka, ka la wanrah ia ka mang tyngka kaba T.104,38,26,090 klur tyngka (shispah saw klur laiphew phra lak arphew hynriew hajar khyndai phew tyngka) bad katei ka mang tyngka ka KHADC ka kham heh ban ia ka jingmang pisa pynmih kaba long T.104, 37,80,200 klur tyngka, (shispah saw klur laiphew hynniew lak phra phew hajar arspah tyngka) bad ka jingmang pynlut ka tam ia ka jingmang pynmih da T.45,890 tyngka (saw phew san hajar phra spah khyndai phew tyngka).
Ka jingmang pynlut kaba T.104 klur tam ka long na ka bynta ki jing pynlut ha ki tnad bapher bapher ka KHADC, ba kynthup ia ka tnad General Administration, Law, Revenue Budget bad Finance, Forest Administration, Administration of Justice and Judicial , Legislative, Education, Civil Work and Development bad ka Enforcement Scheme for Protection of Tribal Land and Interest. Ka jingpynlut ba la mang ha kitei ki tnad ka long na ka bynta ban siew tulop nongtrei bad kiwei pat ki jingdonkam jong ka tnad.
Ki jingmih ba ka KHADC ka la mang ki long na ki tnad ba kynthup ia ka Land Revenue,Forest, Administration of Justice,Market,Trade,Stationery and Printing, Royalty on major and minor Minerals, Taxes on Motor Vehicle, Taxes on Profession etc, Civil Work and Development, Miscellaneous Receipt, Grant in-aid for Protection of Tribal Land and Interst, Revenue from Tolls.