Wanphai iing noh ka Meghalaya hadien ba rem ha ka Baroda ha ka Syed Mushtaq Ali Trophy

Shillong:Ha ka jingiakhun kaba khatduh jong ka Syed Mushtaq Ali Trophy 2023 T20 tournament, ka Meghalaya ka la liem noh ha ka Baroda da hynniew wicket ba la ialeh ha Jaipur hynnin ka sngi.

Da kaba tied shuwa hadien ba ka Meghalaya ka la duh ia ka toss, ka la pynlut lut ia ki 20 over hynrei ka la lah ban kamai tang 65/8 ia kaba ka Baroda ka la lah ban tam ia katei ka thong tang hapoh ka 5.2 over da kaba duh tang lai ngut ki wicket. Kum ha ka jing leh kai kaba lah dep, u Anish Charak hynnin ka sngi ruh u la iaineh ha ka jinglehkai da kaba tied bun da 19 run na ki 20 bol, katba u paralok jong u u Akash Kumar Choudhary u la tied 10 run na ki 13 bol. Ha ka jingbeh thong, ka Baroda ka la poi ha ka run rate kaba 12.38 run per over bad la iohi ba ka la thlieh na phang ia ki bol jong ka Meghalaya ban pyndep tang hapoh ka 5.2 over. U nong kawang bol ka Meghalaya u Rajesh Bishnoi u la ioh pyn khyllem wicket da 2/25 ha ki 1.2 over, katba u Cha rak u ioh 1/19 ha ki 2 over. Haba phai pat sha ka Senior Women’s T20 Trophy, ka Meghalaya kan iakhun pyrshah ia ka Saurashtra mynta ka sngi.