Wan U Elon Musk, ha ka kyrdan ba san, na kiba riewspah tam ha ka pyrthei, u kamai 8billion dollar shisngi

U Elon Musk, ula rung ha ka thup jong ki san ngut ki briew kiba riew spah tam ha ka pyrthei bad kiba wan shakhmat jongu, ki long U Mark Zuckerberg ($99 billion), U Bill Gates ($121 billion) bad U Jeff Bezos ($188 billion).

U Elon Musk, U CEO jong ka Tesla bad ka SpaceX, u kiew ka spah jongu, sha ka $84.8 billion bad katei ka dei hadien ka jing ioh kamai jongu, kaba long $8 billion ($7.78 billion) ha ka shisngi.

Ka jingai jingkhein jong ka Bloomberg Billionaires Index, ka pyni ba ka jingkiew spah jong U Musk, ka dei hadien ka jingioh nong jong ka Tesla, ka kompeni jongu, kaba long 11 per cent hynnin ka sngi.

Katei ka jingkiew spah, ka kyntiew ia U Musk sha jrong jong kiwei ki heh spah, ba kynthup ia U Bernard Arnault ($84.6 billion), U Mukesh Ambani ($78.8 billion) bad U Warren Buffet.

U Musk, u dei uba 49 snem ka rta bad u ioh kamai shibun eh, na ka Tesla, kaba kamai 300 per cent mynta u snem.