Hadien ba ka China, kam lah ban tur shakhmat ha Ladakh, ha kine ki khyndiat sngi, ka sdang ban wan tur sa ha ki saw tylli ki jaka, kiba khappud bad ka Arunachal Pradesh, ong ka khubor ba la pynih da ka India Today mynta ka sngi.
Ki pyrton jong ka China, ki la nang bun nang bun ha marjan jong ka Arunachal Pradesh bad kitei ki kynthup ha Asaphila, Tuting axis, Chang Tze bad Fishtail-2, ha kaba ka jingjngai ka long tang 20 Kilometre antad na u pud ka India.
La iathuh ba ki shipai jong ka China, ki sdang ban nang wan tur kham shajan ha kine ki khyndiat sngi bad ki la sdang ban tih surok ha ki bynta ba don sha khappud jong ka Arunachal bad ki shipai China, la iohi ruh ba ki iaid khah khah sha katei ka thain bad ki wan mar jan bad u pud u sam jong ka India.
Phi don ban ong eiei?