Shillong:Mynhynnin ka janmiet 5 tarik Nailar 2024, la ioh khubor ba ki briew na Bangladesh ki la wan kiew kum ki kber da ki lieng bad torch light bad la suba jur ba ki thmu ban khlong maw na wah Umngot shajan Dawki.
Ha ka video kaba la ioh ring ki briew na India kiba sah ha katei ka thain Dawki, Umsyiem, la iohi ba ki ding torch light kila khih khriak rik rik ba tbeh ki briew kiba wan na Bangladesh da ka lieng.
Ka Bangladesh mynta ka don ha ka jingkynad kaba jur ha kaba ka Prime Minister ka Sheikh Hasina ka la hap ban risain bad phet krad sha India ban lait na ka jingma, hadien ba da ki lak ngut ki paidbhur kila kyndang ia ka jaka jongka.
La ioh jingtip ba ki briew ka thain Umsyiem, Dawki ki la pyntip ia ki BSF halor kane ka jingjia.
Kiwei ki lad khubor, ki iathuh ba ki shipai ki la poi mynta ka janmiet, kumba 120ngut eiei ha ka shnong Nongtalang, harum jong ka Amlarem Sub Division, kum shi bynta, na ka jingpahara ia ka khappud bad ka Bangladesh.
Ka sorkar India ka la pynhiar da ki shipai ki swar sha khappud hadien ka jingkynad kaba jur bha ha ka ri Bangladesh kaba la pyllong ia ka Prime Minister katei ka ri, ka Sheihk Hasina ban risain bad phret krad syndon sha India mynta ka sngi.
Ban tem ia kano kano ka jingjia kaba lah ban klang ding sha ka ri India, ka sorkar India ka la phah ia ki shipai bad mynta ka sngi da ki phew kali ki shipai kila wan shna ktem ha Nongtalang, West Jaintia Hills kaba don marjan ka khappud ka India bad ka Bangladesh.
Kane ka jingwan poi ki shipai India ha ka thain khapppud ka la long ban iada ia ki briew jong kane ka ri na kano kano ka jingshah hiar thma na shiliang pud.
Mynhynnin ka sngi, u symbud myntri rangbah ka jylla u bah Prestone Tynsong ula pyntip ba ki don 9 Battalion ki BSF kiba la wan kyrpang ban pahara ha khappud ka Meghalaya hadien ba la mih ka jingjia ha Bangladesh.
Ha kajuh ka por, ka sorkar Meghalaya ka la pynjari korphiw ha baroh shi lynter ka khappud bad ka Bangladesh naduh 6pm haduh 6am hapoh 200 metre shapoh India na u rishot mawpud ne u zero line ka India bad ka Bangladesh.
Lada u rung tang daki hajar ruh ka army ne ki shnong khasi ki lah shem jingeh ban khang ia kine ki khar bangla…Ka jingleh sting ka sorkar india bad sorkar jylla kan sa wanrah ka jingma iaka jylla baroh kawei..Dang ia jied iaki nongmihkhmat die ri bad kiba dang pass class 10,class 12…Kumba phi bet kumta phi ioh te kynmaw ban peh syndon iaka NPP-UDP-HSPDP-BJP-congress…Peit jngai ioh dier ka por