Wan tur ki dkhot ka JAC Sohiong, dawa weng ia U Lyngdoh Hima Sohiong

Shillong: Mynta mynstep, ki dkhot ka JAC Sohiong, ki la wan tur sha KHADC, ban pynpaw ia ka jing pyrshah ia ka jing sngap mynthi jong ka Council halor ka jing dawa ban weng mardor ia u Lyngdoh ka hima Sohiong u bah Shemphang Thabah ha ka jingdonkti ban aiti sopsop ia ka shnong Nongwah mawthamur kaba dei jong ka hima sohiong sha ka hima jirang.

Kum ban shu pynkynmaw ka JAC Sohiong ka la wan buh ia ka dorkhas ha u CEM ban weng mardor ia u Lyngdoh Sohiong u bah Shemphang Thabah la jan 3 bnai mynta bad na ka liang ka KHADC, ki la kular ba kin pynbeit ia ka ne ka kam hapoh 2 bnai, hynrei kat haduh mynta na ka liang ka KHADC kim pat lah pynbeit eiei .

Ia kane ka kam ba aiti sopsop ia ka Nongwah Mawtamur ka badei jong ka hima Sohiong sha ka hima Jirang la lap lyngba ka Right to informatiom(RTI) ba ka la pan na khasi Hill Autunomous District Council (KHADC) ha ka ba ki la lap ba ha ka 17tarik Iaiong 2015, ba u Lyngdoh ka Hima Sohiong u bah Bashemphang Thabah u la aiti ia kane ka shnat hima Nongwah mawtamur sha ka Hima Jirang khlem kano kano ka jingtip lane ka jing thoh jingtar.