Wan tei ki khar Bangladesh, ia ka kynroh ba twa ha Umngot Dawki,

12 Jylliew:
Mynta ka sngi, ki don kumba 20ngut ki khar Bangladesh, kiba la wan synran lang da ki shipai BGB, kiba la wan ban sdang tei biang ia ka kynroh kaba la pra jong ka Wah Umngot, kaba don ha u mawpud 1272 9s. Kitei ki khar Bangladesh, ki don ha ka por 3baje nohsngi, ha kaba ki leh ia katei ka kam, ha ka jingiohi pyllein jong ki pulit BSF, tangba kim shym la leh eiei satia ban khanglad ia katei ka jingwan tei kynroh jong ki khar Bangladesh. Hynrei, dei tad ynda, haba la don ki nongshong shnong, kiba la leit tur sha katei ka jaka, ba kitei ki dkhar Bangla, ki sa phet noh, na katei ka jaka., ong ka khubor.
Lah ban pynkynmaw, ba ka kynroh, ka la twa ha ka miet jong ka 9tarik mynta u bnai. Katei ka jingjur slap, kaba jubor ha ka thain Riwar, ka la jynrat ia ka kynroh jong ka Wah Umngot, kaba pynskhem ia ka shnong Dawki, kaba la tei da ka CPWD, ha u snem 1972.